Fondit Humanitar "Malesia" - New York

Leter falenderimi

E nderuar kryesi e Fondit Humanitar "Malesia",

Me kete leter deshiroj ne menyren me te mire te shprehi falenderimet e mia. Mirepo per gjestin tuaj, i cili nuk perseritet per te paren here, por per te saten here, ne nje leter ndoshta mund te thuren disa fjali, mirepo falenderimi per te e perfshin nje gjithesi.

Ju, me se miri e dini jeten e nje studenti, ta them, ne nje menyre apo ne menyren tjeter. Duke qene me vite te tera ne mergim, i keni kaluar te gjitha, e ndoshta disa nga ju nuk e paten mundesine qe ta shijojne jeten e bukur te studentit, nga se prioritet kishin mbajtjen e familjeve ne Malesi, por sigurisht se jeni me se te njoftuar me veshtiresite qe nje person mund ti kaloje gjate jetes.

Ju, me bursen qe me ndate mua, dhe te gjithe kolegeve te mi, ta them me fjale te bukura te Malesorit "ia ndat' ropit buken e goj's", me qellim qe neser, une, kolegu im, e ne fund cdo i ri Malesor, te kete nje ardhme me te mire, qe Malesia ta kete nivelin intelektual sic e meritonte cdohere.

Personalisht me shume me gezoi fakti kur shihja listen e bursisteve dhe kur shihja te gjithe ata studente Malesore, qe vendosen qe pjesen me te bukur te jetes se tyre ta kalojne ne studime ne token Shqiptare, ne Shqiperi apo Kosove. Ndoshta edhe per arsye se veten e gjeta ne mesin e atyre studenteve, e ndoshta edhe per arsye se duke u nisur nga vetja ime, neser kur te kthehem ne Malesi, do ta di se cka po i mungon Malesise, do ta di se si te veproj, do ta di se cka meriton nje shqiptar ne token e vet, do ta di se cka dua per djalin, vajzen, nipin apo mbesen time. Do ta di se si e dua Malesine time.

Duke zgjedhe Fakultetin Elektroteknik te Universitetit te Prishtines, gjegjesisht degen Kompjuterike, nje enderr imja, pothuajse e femijerise, nisi te realizohet, ndersa Ju, te nderuar bashkatdhetare, realizimin e endrres jo vetem qe ma lehtesoni, por me jepni vullnet qe neser, une te gjithe diturine e akumuluar, mos ta mbaj vetem per vete, por t'ia percjelli cdo te riu e malesor, qe nderin, respektin dhe krenarine per Malesine askush, asnjehere te mos e humbe.

Te nderuar bashkatdhetare, qe cdo student ju konsideron si kurriz te vetin, qe cdo studenti ia keni lehtesuar realizimin e endrres jetesore, une, e mund te them se edhe cdo koleg imi jemi me se mirenjohes per cdo kafshate buke qe Ju, femijes tuaj ia ndate, duke pasur synim kryesor te na ndihmoni ne, familjet tona dhe si vater kryesore e gjithe kesaj, ti ndihmoni Malesise. Do te mundohemi qe cdo pike djerse t'ua shperblejme ne menyren sa me te mire te mundshme, do te mundohemi qe nga ne mos ta mesoni fjalen zhgenjim.

Te nderuar Malesore, Zoti ju shperblefte per cdo gje qe po beni per mua dhe cdo Malesor tjeter.

Me respekt te vecante,

Dorjan Nikolle Berishaj

Prishtine, Shkurt 2010.